ACP sədri ilə AXCP sədri görüşüb
Prezident seçkiləri yaxınlaşdıqca siyasi partiyaların fəaliyyətində aktivlik artır. Bugünə qədər fəaliyyətləri nəzərə çarpmayan partiyalar yoxsa ölü nöqtədən tərpənirlər? Maraqlı görünən məqamlardan biri mühaciərtdə yaşayan Rəsul Quliyevin və onun lideri olduğu Açıq Cəmiyyət Partiyasının (ACP) fəallaşmasıdır.
Simsar.az saytının əldə etdiyi məlumatlara görə, ACP rəhbərliyi siyasi partiyaların rəhbərliyində təmsil olunanlarla görüşüb, yeni əməkdaşlıq imkanlarını müzakirə ediblər.
İlk belə görüşün AXCP sədri Əli Kərimli ilə ACP sədri Vaqif Mahmudov arasında baş tutduğu bildirilir.
Görüşdə iki partiya arasında əlaqələrin gücləndirilməsi, əməkdaşlığın ittifaq səviyyəsinə çatdırılması məsələsi qaldırılır. Müzakirələrin nə ilə bitməsi barədə isə mənbə məlumatsız olduğunu deyir.
Simsar.az saytının əməkdaşı məsələyə aydınlıq gətirmək üçün ACP sədri V.Mahmudovla əlaqə saxlayıb. V.Mahmudov AXCP sədri ilə görüşdüyünü təsdiqləsə də, görüşün məqsədi barədə qısa məlumat verməklə kifayətlənib: «Biz bir sıra partiya sədrlərilə görüşmüşük. Partiya sədrləri arasında görüşlərin olması təbiidir, burada qeyri-adi heç nə yoxdur. AXCP sədri Əli Kərimlilə keçirdiyimiz görüş ümumi xarakter daşıyırdı. Konkret məsələ ilə bağlı olmayıb».
V.Mahmudov qeyd edib ki, prezident seçkilərinə hələ xeyli vaxt qaldığından indidən bu istiqamətdə hər hansı addım atmırlar: «Seçkilərdə iştirakla bağlı hansısa partiya ilə ittifaq yaratmaqdan hələ söhbət getmir. Buk imi görüşlərimiz digər partiya sədrlərilə də olacaq».
AXCP sədrinin müavini Razi Nurullayev iki partiya arasında əməkdaşlığı mümkün sayır: «AXCP siyasi mövqeyi, məqsədi, hakimiyyətə qarşı münasibəti aydın olan bütün partiyalarla əməkdaşlığı məqbul sayır. Konkret olaraq ACP ilə əməkdaşlıqdan söhbət gedirsə, bu barədə partiyanın İdarə Heyətində müzakirə aparılandan sonra qərar verilə bilər. İndidən iki partiyanın əməkdaşlığı barədə fikir səsləndirmək çətindir».
RAMİL
_thumb.jpg)
Leysan olacaq, dolu yağacaq
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
.jpg)
