Rauf Arifoğlu: “İndi məlum olur ki, deputat səmimi danışmayıb, bir neçə şəxsdən istifadə edərək oyununu oynayıb"
“Xural” qəzetinin baş redaktoru Əvəz Zeynallının həbsinin ətrafında söz-söhbətlər səngimir.
Milli Məclisin deputatı Gülər Əhmədovanın şikayəti əsasında baş tutan həbsə hələ bir neçə ay öncədən hazırlıq görülüb. Millət vəkili bir müddət öncə Ə.Zeynallı ilə aralarında olan danışığı diktafona yazıb. Bu məsələdə G.Əhmədovaya “Yeni Müsavat” qəzetinin baş redaktoru Rauf Arifoğlu da yardımçı olub. Amma bilmədən.
Bununla bağlı R.Arifoğlu “Azadlıq” qəzetinə açıqlamasında bildirib ki, G.Əhmədova ondan Ə. Zeynallı ilə görüşün baş tutmasına yardımçı olmasını xahiş edib.
Baş redaktorun sözlərinə görə, o, G.Əhmədovaya Ə.Zeynallı ilə münasibətinin olmadığını və bu baxımdan ona kömək edə bilməyəcəyini söyləyib:
“Nəhayət, Gülər Əhmədovanın israrlı xahişindən sonra mən Əvəz bəylə əlaqə saxladım və ona dedim ki, bu xanımı qəbul edərək dinləsin. Məsələ belə olub... Gülər xanım bildirib ki, “Xural" qəzetində onun əleyhinə olan kompromat xarakterli materiallar var, onların dərcini saxlasınlar. Dəfələrlə danışdıq, mən israrla bildirdim ki, müdaxilə imkanlarım yoxdur”.
Görüş baş tutandan bir ay sonra Ə.Zeynallı görüş barədə “Xural” qəzetində məqalə dərc edərək qeyd edib ki, R.Arifoğlunun vasitəsilə G.Əhmədova ilə görüşüb və ikinci onun səsini yazıb.
R.Arifoğlu bildirib ki, bu yazıdan sonra öncə Ə.Zeynallıya sonra G.Əhmədovaya telefon açıb: “Əvəz Zeynallıya irad tutdum ki, niyə bu cür təqdimatla adıma kölgə salır? Axı həmin vaxt bu “iqtidar deputatı” dediyi xanımın xahişini ondan başqaları da, həm də çox tanınmış isimlər ediblər. Üstəlik, “telefonuna cavab ver” xahişindən sonra hadisələrin inkişafına mən qarışmamışam... Gülər Əhmədovaya da telefon açdım ki, mənim üzərimdən hansı oyunu oynadığının fərqindədirmi? Papasının canına and içdi ki, heç bir səsyazma, təxribat faktı olmayıb...amma indi məlum olur ki, deputat səmimi danışmayıb, bir neçə şəxsdən istifadə edərək oyununu oynayıb".
RAMİL
_thumb.jpg)
Leysan olacaq, dolu yağacaq
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
.jpg)
