Şahidlər partlayışı qadın kamikadzenin törədə biləcəyini bildirirlər
Türkiyənin Bingöl vilayətində hakim "Ədalət və İnkişaf" Partiyasının binası yaxınlığında partlayış baş verib. Vanda təbii fəlakət bölgəsində olan Türkiyənin daxili işlər naziri Naim Şahinin bildirdiyinə görə, partlayış nəticəsində 3 nəfər ölüb, 20 nəfər yaralanıb. Yaralılardan birinin vəziyyəti ağırdır. Partlayışın təsirindən yaxınlıqdakı binaların şüşələri qırılıb.
Daxili işlər naziri Naim Şahin partlayışı terrorçu-kamikadzenin törətdiyinin ehtimal edildiyini bildirib. Şahidlər də partlayışı qadın kamikadzenin törədə biləcəyini bildirirlər. Van bölgəsində olan nazirlərdən iqtisadi inkişaf naziri Cevdet Yılmaz da partlayış xəbərini alan kimi Bingölə yola düşüb.