Azərbaycan Fövqəladə Hallar Nazirliyinin (FHN) Türkiyənin Van vilayətinə yola salınmış 40 avtomobildən ibarət yardım karvanı bu gün zəlzələdən zərər çəkmiş bölgəyə çatıb.
APA-nın FHN-in saytına istinadən verdiyi məlumata görə, hazırda çatdırılmış yardım aidiyyəti üzrə təhvil verilir.
Prezident İlham Əliyevin göstərişinə əsasən, Türkiyəyə avtomobil karvanı ilə 1000 ədəd çadır (hər biri 24 kv.m), 40 generator, 40 dəst mətbəx ləvazimatı və 2000-dən artıq ədyal yola salınıb.
Bununla da, Fövqəladə Hallar Nazirliyi tərəfindən ümumilikdə 1250 ədəd çadır, 700 səhra yataq dəsti, 5000-dən artıq ədyal, 2000 yataq dəsti, 40 generator, 40 dəst mətbəx ləvazimatı və 2 səhra mətbəxi təbii fəlakətdən zərər çəkənlərə çatdırılıb. Əvvəlki yardımlar təyyarələrlə göndərilib.
Qeyd edək ki, Azərbaycan FHN-in xilasediciləri də Van bölgəsində oktyabrın 24-dən xilasetmə əməliyyatlarına başlayıblar. Onlar indiyədək dağıntılar altından 12 nəfəri xilas edib, 60 cəsəd çıxarıblar.
Van bölgəsində zəlzələ oktyabrın 23-də baş verib. Rəsmi məlumatlara görə, 576 nəfər ölüb, 2608 nəfər yaralanıb.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
