Yardım göstərişi prezidentdən gəlib
Azərbaycan Prezidenti İlham Əliyevin göstərişinə əsasən, Türkiyənin Van vilayətinə yola salınmış Fövqəladə Hallar Nazirliyinin 40 avtomobildən ibarət maşın karvanı bu gün zəlzələdən zərər çəkmiş bölgəyə çatıb.
Simsar.az FHN-nin saytına istinadən xəbər verir ki, hazırda çatdırılmış yardım aidiyyəti üzrə təhvil verilir.
Xatırladaq ki, avtomobil karvanı ilə 1000 ədəd çadır (hər biri 24 kv.m), 40 generator, 40 dəst mətbəx ləvazimatı və 2000-dən çox ədyal təbii fəlakət bölgəsinə çatdırılıb.
İndiyədək nazirlik tərəfindən 1250 ədəd çadır, 700 səhra yataq dəsti, 5000-dən artıq ədyal, 2000 yataq dəsti, 40 generator, 40 dəst mətbəx ləvazimatı və 2 səhra mətbəxi təbii fəlakətdən zərərçəkənlərə verilib.