Səudiyyə Ərəbistanı hökuməti başçısının ikinci müavini və daxili işlər naziri Naif bin Əbdüzəziz Əl Səud krallıq taxt-tacının yeni varisi elan edilib.
Simsar.az-ın “Zaman” qəzetinə istinadən verdiyi məlumata görə, yeni varis Səudiyyə Ərəbistanı Krallığının vəfat etmiş vəliəhdi Sultan bin Əbdüləziz Al Səudun əvəzinə elan edilib.
Məlumata görə yeni vəliəhdin 78 yaşı var. O, Səudiyyə Ərəbistanı Krallığının əsasını qoyan Əbdüləziz Əl Səudun 23-cü oğludur. Naif bin Əbdüzəziz Əl Səud 1975-ci ildən daxili işlər naziri vəzifəsini tutur. Onu 2009-cu ildə hökumət başçısının ikinci müavini təyin ediblər.
Qeyd edək ki, Səudiyyə Ərəbistanının mərhum vəliəhdi Sultan bin Əbdüləziz Al Səud keçən həftə Nyu-Yorkda klinikada 83 yaşında ölüb.