Qanunvericiliyə dəyişikliklər edilməsi planlaşdırılır
Azərbaycanda dövlət tərəfindən təqaüd verilməsinə baxmayaraq, Milli Qəhrəmanlar və onların ailələrinin güzəşt və imtiyazları hələ də müəyyənləşməyib. Bununla əlaqədar olaraq mövcud qanunvericilik aktlarına bir bəzi əlavələrin edilməsi planlaşdırılır. Bu barədə Lent.az-a eksklüziv olaraq Milli Məclisin Sosial siyasət Komitəsindən məlumat verilib.
Hazırda Sosial siyasət komitəsində bununla bağlı parlamentə ayrı-ayrı qurumlardan və millət vəkillərindən daxil olmuş təkliflərə baxılır. Milli Qəhrəmanlar və onların ailə üzvləri haqqında ayrıca qanun olmadığından, bununla bağlı fərqli qanunlara – o cümlədən «Veteranlar haqqında» qanuna əlavə və dəyişikliklərin edilməsi nəzərdə tutulur.
Lent.az Milli Məclisə daxil olmuş bəzi təkliflər barədə də məlumat əldə edib. Bu təkliflərə yaşayan Milli Qəhrəmanların və dünyasını dəyişmiş şəxslərin ailəsinin mənzil təminatı, işlə təminatı, təqaüdlərin artırılması, onlara dövlət nəqliyyat vasitələrindən güzəştli istifadə hüququnun verilməsi, Milli Qəhrəmanların övladlarının dövlət təhsil müəssisələrində təhsil ödənişlərindən azad edilməsi, dövlət hesabına ölkə daxilində və xaricdə tibbi müayinə və s. məsələlər daxildir. Hazırda həmin təkliflərin bir qismi rəylərin toplanması üçün müvafiq dövlət instansiyalarına göndərilib. Bu təklifləri Prezident Administrasiyası da müsbət qarşılayıb.
Təkliflər sırasında Milli Qəhrəmanların ehtiyatda olduqları dövrdə hərbi geyim daşıma hüququnun saxlanılması da yer alır.
Parlamentə Milli Qəhrəmanlarla bağlı daxil olmuş təkliflərdən xəbərsiz olduğunu deyən Təhlükəsizlik və müdafiə Komitəsinin üzvü, millət vəkili Zahid Oruc isə Lent.az-a bildirib ki, o hazırda «Milli Qəhrəmanlar haqqında» qanun layihəsini hazırlamaq üzərində düşünür.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
