Urmiya gölünün xilasına 420 milyon dollar ayrıldı
APA-nın “Mehr” xəbər agentliyinə istinadən verdiyi məlumata görə, bu barədə İran parlamentinin üzvü Məhəmməd Rza Hacı-Əsgəri bildirib. Onun sözlərinə görə, gölün qurmasının qarşısının alınması üçün artıq müvafiq plan da hazırdır.
Qeyd edək ki, Urmiya gölünün sürətlə quruması İran azərbaycanlıları arasında kütləvi etirazlara səbəb olub. Ehtimal olunur ki, gölün quruması həm ciddi ekoloji fəsadlar yarada, həm də kənd təsərrüfatından dolanan yerli əhalinin bu bölgədən kütləvi mühacirətinə səbəb ola bilər.