"Onu qəsdən öldürdülər ki, danışamsın"
İran prezidenti Mahmud Əhmədinecad, Liviyanın keçmiş lideri Muəmmər Qəddafinin Qərb ölkələri əleyhinə faktları açıqlaya bilməməyi üçün Usamə bin Laden kimi məhkəməsiz öldürüldüyünü bildirib.
«Qəddafini öldürdülər ki, danışa bilməsin. Bin Ladenin aqibəti də eyni cür olmuşdu. Əgər Qəddafi məhkəməyə çıxarılsaydı kimlərə pul verdiyini, kimlərdən dəstək aldığını deyərək çox şeyləri dəyişə bilərdi», - deyə Əhmədinecad bəyan edib.
Dünyadakı bütün diktatorların arxasında ABŞ və Avropa ölkələrinin olduğunu bildirən Əhmədinecad, «İrandan son 25 ildə prezident qismində heç kim Liviyaya getməyib. Liviyaya getməyən və bu ölkənin keçmiş liderinə dəstək verməyən bir avropalı və ya amerikalı dövlət başçısını mənə göstərin», - deyə İran lideri əlavə edib.