Xilasediciləırin səyi nəticəsində 36 cəsəd dağıntılar altından çıxarılıb
Azərbaycanlı xilasedicilər Türkiyədə zəlzələ baş verən fəlakət bölgəsində işlərini davam etdirirlər. ANS PRESS-in Fövqəladə Hallar Nazirliyinin rəsmi saytına istinadla verdiyi məlumata görə, gecə saatlarında zəlzələ bölgəsində Azərbaycan xilasediciləri tərəfindən aparılan axtarış-xilasetmə işləri nəticəsində, dağıntılar altından daha 2 cəsəd tapılaraq çıxarılıb.
Beləliklə, Azərbaycan Fövqəladə Hallar Nazirliyinin xilasediciləri tərəfindən 10 nəfər xilas edilib. Daha 36 cəsəd dağıntılar altından tapılaraq çıxarılıb və aidiyyəti üzrə təhvil verilib.
Qeyd edək ki, oktyabrın 24-də Van bölgəsində baş verən 7,2 bal gücündə zələzələ nəticəsində 449 nəfər ölüb. Yüzlərlə insan yaralanıb, minlərlə bina yerlə bir olub.
Azərbaycan qardaş Türkiyəyə yardım üçün bölgəyə 3 təyyarə göndərib. Təyyarələrdə xilasedicilər və yardımlar aparılıb.