Zazişləri ARDNŞ prezidenti Rövnəq Abdullayev və BOTAŞ-ın baş direktoru Fazil Şənəl imzalayıblar
Simsar.az-ın Türkiyə müxbiri İzmirdən xəbər verir ki, sazişləri Azərbaycan tərəfdən ARDNŞ prezidenti Rövnəq Abdullayev, Türkiyə tərəfdən isə BOTAŞ-ın baş direktoru Fazil Şənəl imzalayıblar.
Qaz tranzitinə dair saziş “Cənub dəhlizi” layihəsi çərçivəsində Azərbaycan qazının Avropaya nəqli üçün nəzərdə tutulur.
Bundan başqa, Azərbaycan və Türkiyə arasında hökumətlərarası enerji protokolu imzalanıb. Protokolu Azərbaycan tərəfdən sənaye və energetika naziri Natiq Əliyev, Türkiyə tərəfdən isə enerji naziri və təbii ehtiyatlar naziri Taner Yıldız imzalayıblar.
İki ölkə arasında iqtisadi sahədə əməkdaşlığı nəzərdə tutan növbəti sənədi - “İnvestisiyaların təşviqi və qarşılıqlı qorunması haqqında sazişi” isə Azərbaycan və Türkiyənin iqtisadi inkişaf nazirləri Şahin Mustafayev və Zəfər Çasğlayan imzalayıblar.