Ölkə mağazalarında saxlama müddəti ötmüş ərzaq malları aşkar olunaraq satışdan çıxarılıb
İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti ölkənin istehlak bazarında monitorinqlərini davam etdirir. Nazirliyin mətbuat xidmətindən ANS PRESS-ə verilən məlumata görə, Dövlət Xidməti tərəfindən keçirilən monitorinqlər zamanı
Bakının Nəsimi rayonunda 3-cü mikrorayon, H.Əliyev küçəsi, ev 14 ünvanında yerləşən "Sonti market"də, M.Qasımov küçəsi, ev 4 ünvanında Telman Qurbanlıya məxsus mağazada, Moskva prospekti, ev 64 ünvanında Rafiq Ələkbərova məxsus mağazada, Bakıxanov küçəsi, ev 22, mənzil 3 ünvanındakı "Viola market"də,
Nərimanov rayonunda Ə.Əliyev küçəsi, ev 61, mənzil 17 ünvanında yerləşən "Şəlalə market"də, Z.Bünyadov küçəsi, ev 32, mənzil 1 ünvanında Əli Məmmədova məxsus mağazada, Böyük Şor qəsəbəsindəki "Arzu market"də, Əhmədbəy Ağa oğlu küçəsi, ev 12 ünvanında Hüsaməddin Quliyeva məxsus mağazada,
Gəncə şəhərində H.Əliyev prospektində Nofəl Cəfərova məxsus mağazada,
Sabirabad rayonunda H.Əliyev prospektində Əlisafa Cəfərova və Sakit Abuşova məxsus mağazada
ümumi çəkisi 180 kq-dan artıq olan saxlama müddəti ötmüş və normativ-texniki sənədlərin tələblərinə uyğun olmayan ərzaq malları aşkar olunmuş, satışdan çıxarılaraq məhv edilib. Qanun pozuntusuna yol vermiş şəxslər barəsində Azərbaycan Respublikasının İnzibati Xətalar Məcəlləsinə uyğun olaraq inzibati cərimələr tətbiq olunacaq.