Vəsaitin yarısından çoxu sentyabr ayında xərclənib
ABŞ Liviyada Müəmmar Qəddafinin tutulması ilə bağlı xüsusi əməliyyata $2 mlrd xərcləyib və bunun $1,1 mlrd.-ı sentyabr ayına təsadüf edib. ANS PRESS Amerikanın «National Journal» nəşrinə istinadən bildirir ki, bu məlumatı Pentaqon yayıb.
Ölkənin vitse-prezidenti Con Baydenin sözlərinə görə, ümumilikdə ABŞ $2 mlrd xərcləyib. Eyni zamanda o qeyd edib ki, Liviyada bir nəfər belə Amerika əsgəri ölməyib.
NATO isə Liviyadakı əməliyyatlara hər ay müxtəlif radioelektron mübarizə vasitələri üçün $7,4 mln xərcləyib, mənzil-qərargahın və komanda heyətinin saxlanması üçün isə $1,1 mln sərf edib.