Hacı Şahin Həsənli: “Qəddafinin bu şəkildə öldürülməsi İslamın əleyhinə işləyir”
Qəddafinin ölüm səhnələri bu gün dünya mətbuatının üz qabığını “bəzəyib”. Yəqin ki, hələ uzun müddət Liviyanın keçmiş diktatorunun yalvarış dolu əzablı ölümü gündəmdən düşməyəcək. Adamın “Allahu Əkbər”, “Allahu Əkbər” sədaları altında qətlə yetirilməsi “İslam və zorakılıq” mövzusunu yenidən aktuallaşdırır.
42 il bir ölkəyə rəhbərlik etmiş və hakimiyyətinin son illərində adı insan haqlarının pozulmasında, demokratiyanın boğulmasında hallanan Qəddafiyə qarşı bu ilin Mart ayından başlayaraq etirazlar başlayıb. Sonradan etirazlar genişlənərək silahlı qiyam həddinə çatdı və 6-7 aylıq mübarizə diktator prezidentin dəhşətli ölümü ilə nəticələndi.
Qəddafinin ölüm səhnələrinə baxanlar “belə şey olmaz”, “bu vəhşilikdir”, “yaşlı insana, prezidentə qarşı bunca hörmətsizlik etmək olarmı?” deyə, etirazlarını bildirirlər.
Amma baş verənlər Qəddafinin öz siyasətinin bəhrəsidir.
Simsar.az-a danışan “Mənəvi Dünya” İctimai Birliyinin sədri Hacı Şahin Həsənlinin sözlərinə görə, Qəddafiyə qarşı bu cür aqressiv münasibət başadüşüləndir: “Müqəddəs Kitabımızda buyrulub ki, sizinlə vuruşanla vuruşun. Amma əndazini aşmayın. “Allahu Əkbər” deyib yaralı, silahsız insanı öldürmək, ona işgəncə vermək düzgün deyil. Qəddafinin bu şəkildə öldürülməsi İslamın əleyhinə işləyir. Bu Qərbdə İslamın qorxunc din olması təssüratını yaradacaq. Bir sözlə, zorakılıq səhnələrindən İslama qarşı istifadə edənlər tapılacaq”.
Ş.Həsənli bir daha diqqətə çatdırdı ki, şəriət, qanun insanın zorakılıqla öldürülməsinə yol vermir.
RUSLAN
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
