Almatı Bəyannaməsi qəbul ediləcək
APA-nın xəbərinə görə, toplantıda Qazaxıstan prezidenti Nursultan Nazarbayev, Azərbaycan prezidenti İlham Əliyev, Qırğızıstan prezidenti Roza Otunbayeva və Türkiyə baş nazirinin müavini Bəkir Bozdağ iştirak edir (Baş nazir Rəcəb Tayyib Ərdoğan son terror aktları ilə əlaqədar Qazaxıstana səfərini ləğv edib).
Sammitə dəvətli qismində TÜRKSOY-un baş katibi Dusen Kaseinov və Türkdilli Ölkələrin Parlament Assambleyasının baş katibi Ramil Həsənov da qatılıb.
Yığıncağı giriş sözü ilə açan Qazaxıstan prezidenti Nursultan Nazarbayev bildirib ki, sammit ölkələr arasında iqtisadi əməkdaşlıq məsələlərinə həsr olunub: “Bizim mənəvi birliyimiz iqtisadi sahədə qarşılıqlı faydalı əməkdaşlığın təməli olmalıdır”.
N. Nazarbayev son terror aktları nəticəsində baş verən ölümlərlə əlaqədar türk xalqına başsağlığı verib.
Qeyd edək ki, görüşdə əsas müzakirə mövzuları türkdilli ölkələr arasında iqtisadi-ticarət və mədəni-humanitar əməkdaşlığın prioritetləri və aktual regional-beynəlxalq məsələlər olacaq. Sammitin yekunları əsasında Almatı Bəyannaməsi qəbul ediləcək.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
