Bu mərkəz Bakıdadı
Simsar.az-ın «Azərbaycan Hava Yolları” QSC-nin mətbuat xidmətinə istinadən verdiyi məlumata görə, mərkəzdə “Boeing – 757”, “Boeing – 767”, “Airbus -319”, “Airbus -320”, “ATR – 42-500” və “ATR – 72-500” tipli simulyatorları yerləşir.
«Azal» təyyarələrin tipinə aid normativ tələblərə əsasən hər bir simulyator üçün Böyük Britaniya Mülki Aviasiya İdarəsinin müvafiq sertifikatlar alıb. Mərkəz MDB məkanı və Şərqi Avropa regionunda ən böyük və müasir simulyator mərkəzi sayılır.
Beynəlxalq Mülki Aviasiya Təşkilatının (İCAO) tələblərinə cavab verən bu mərkəz həmçinin istifadədə olan simulyatorlara texniki xidmət göstəriləcək.
Qeyd edək ki, MDB məkanında və Şərqi Avropa ölkələrində analoqu olmayan bu simulyator mərkəzinin fəaliyyətə başlaması ilə əlaqədar sənəd oktyabrın 18-də imzalanıb.