Onlardan biri batdı
Bu gecə saat 01:00 radələrində Türkiyə şirkətlərinə məxsus iki gəmi Adriatik dənizində toqquşub.
Simsar.az-ın “Hürriyət” qəzetinə istinadən verdiyi məlumata görə, “Deniz Linea” şirkətinə məxsus “Ankara” sərnişin gəmisi ilə toqquşan “Armador Denizçilik” şirkətinə məxsus “Reina 1” yük gəmisi toqquşmadan sonra 2 dəqiqə ərzində batıb.
Malta bayrağı altında üzən 78 metr uzunluqdakı “Reina 1” gəmisində olan heyət üzvlərindən 3 nəfər ölüb, 5 nəfər itkin düşüb, 2 dənizçi xilas edilib. Gəmiyə Rusiyanın Novorossiysk limanından taxıl yüklənibmiş.
Kosova ilə İtaliya arasında 200 sərnişini aparan “Ankara” gəmisində isə xəsarət alan olmayıb. Qəzanın səbəbləri araşdırılır.