100-dən çox belə qarajlar olacaq
Bakının nəqliyyat sisteminin inkişafı və gediş-gəlişin asanlaşdırılması məqsədi ilə bir sıra iri layihələr həyata keçirilir. Nəqliyyat Nazirliyindən Simsar.az-ın.az-a verilən məlumata görə, bu istiqamətdə görülən tədbirlər çərçivəsində yeraltı və yerüstü qarajların tikintisi əhəmiyyətlə yer tutur.
Məlumata görə, hazırda paytaxtda 100-dən çox yerdə yeraltı və yerüstü qarajlar tikilir. Bu qarajların arasında 2-3-4-5-6, hətta 9 mərtəbəliləri də var. Əksər qarajların hər mərtəbəsinin sahəsi isə 400 kvadrat metrə bərabərdir.
Artıq Nəsimi heykəlinin altında 300 və Yeni Avtovağzalda 1500 avtomobil tutumu olan yeraltı qarajlar istifadəyə verilib. Həmçinin Cəlil Məmmədquluzadə küçəsində (“Gənclik” metrostansiyası yaxınlığında) 22 mərtəbəli möhtəşəm yerüstü qaraj tikilir. Bu tikilinin də ən yaxın vaxtlarda istifadəyə verilməsi gözlənilir. Bundan başqa, “Azadlıq” meydanında tikintisinə başlanılmış yeraltı qarajı da qeyd etmək olar.