1,5 t çəkisində olan Rosat qurğusunun qalıqları Rusiyaya düşə bilər
Bir neçə saatdan sonra Yerə peyk düşəcək. Belə ki, mütəxəssislər 1999-cu ildə proqramını bitirən və kosmosda itən ROSAT alman peykinin indiyə kimi dəqiq hara düşəcəyini bilmirlər. Lakin aparatın Yerin atmosferinə daxil olması yaxın saatlarda baş verəcək.
Peyk Yer istiqamətində təxminən 30 min km/saat sürətlə hərəkət edir. Ümumi çəkisi təqribən 2 ton olan peyk tezliklə səthə çatacaq. Alman kosmik Mərkəzin məlumatına görə, 53-cü paraleldə yerləşən bütün rayonlar təhlükə altındadır. Həmin ölkələr bunlardır: Böyük Britaniya, Almaniya, Polşa, Belarus, Çin, Qazaxıstan, Kanada, ABŞ və Rusiya.
Almaniyalı alimlər bildiriblər ki, peykin bəzi hissələri atmosferə daxil olarkən yanacaqlar, lakin ümumi çəkisi 1,5 ton olan fraqmentlər Yerdə, xüsusilə də 53-cü parlaleldə yerləşən ölkələrdə partlaya bilər.
Peyki izləyən alimlər yaxın 10 saat ərzində obyetkin Yerə düşmə radiusunu müəyyən edə biləcəklər. Bundan sonra onlar dərhal əhalini xəbərdar edəcəklər. Alman Kosmik Mərkəzinin alimlərinin hesablamalarına görə, peykin düşməsinə görə zərər çəkə biləcək hər bir şəxsin düşmə radiusda şansı təxminən 1: 2000-ə bərabərdir.