Yaxın 3 gün ərzində dəyişkən və rütubətli hava şəraiti meteohəssas insanlar üçün əsasən əlverişsizdir
Bakıda və Abşeron yarımadasında oktyabrın 21-də, oktyabrın 20-dən 21-nə keçən gecə və səhər yağış yağacağı gözlənilir. Ekologiya və Təbii Sərvətlər Nazirliyi Milli Hidrometeorologiya Departamentinin məlumatına görə, gündüz dəyişkən buludlu olacağı, əsasən yağmursuz keçəcəyi gözlənilir. Arabir güclənən şimal-qərb küləyi əsəcək.
Havanın temperaturu gecə 10-13 dərəcə, gündüz 15-19 dərəcə isti təşkil edəcək.
Azərbaycanın rayonlarında oktyabrın 21-də arabir yağış yağacağı, bəzi şərq rayonlarında leysan xarakterli olacağı, gündüz qərb rayonlarında tədricən kəsiləcəyi ehtimalı var. Qərb küləyi əsəcək, arabir güclənəcək.
Havanın temperaturu gecə 7-12 dərəcə, gündüz 15-20 dərəcə, dağlarda gecə 2-7 dərəcə, gündüz 9-14 dərəcə isti təşkil edəcək.
Yaxın 3 gün ərzində Abşeron yarımadasında dəyişkən və rütubətli hava şəraiti meteohəssas insanlar üçün əsasən əlverişsizdir.