Terrorçuların təqibi davam edir
Simsar.az-ın “Hürriyet” qəzetinə istinadən verdiyi məlumata görə, Hakkarinin Çukurca rayonunda 26 əsgərin, Bitlisin Güroyma rayonunda 5 polisin şəhid edilməsindən sonra türk qırıcı təyyarələri Şimali İraqda Qəndil, Zap, Hinere, Hakurk və Metina bölgələrində yerləşən düşərgələri bombalayır. Xüsusən Zap bölgəsinə intensiv zərbə endirilir. Çukurcadaki hücumdan sonra Şimali İraqdakı düşərgələrə qaçmağa çalışan 200 terrorçu keçid nöqtələrinə minalar və 2-3 nəfərdən ibarət pusqular qurub. Bu səbəbdən də vertolyotlarla sərhədin İraq tərəfində strateji nöqtələrə Türkiyə ordusunun xüsusi təyinatlı bölmələri yerləşdirilib. Çukurcadan 15 kilometr uzaqlıqdakı Kazan vadisi və Səbir dağı bölgələrində də əməliyyat keçirilir.
Son məlumatlara görə, Çukurca rayonuna hücumdan sonra baş verən ilk atışma zamanı 21 terrorçu öldürülüb. Terrorçuların təqibi davam edir.