Ərtoğrul Günay şəhidlərdən danışanda özünü saxlaya bilmədi
Simsar.az-ın “Doğan” xəbər agentliyinə istinadən verdiyi məlumata görə, İstanbulda bir muzeyi ziyarət edən Ə. Günay media mənsublarının terrorla bağlı sualını cavablandırıb: “Aldığım xəbərə görə, 26 əsgər şəhid olub. Hər kəsin anası-atası var. Bunlar nə etməyə çalışır? Əsgərə, polisə, qadına, uşağa güllə atanlar nəyə nail olmaq istəyir? Dünyanın hər yerində bu metodlar artıq bitdi. Hələ də silahla adam öldürərək nəticə əldə etmək istəyirlər. Bu, insanlığa qarşı cinayətdir. Bütün insanlığa qarşı böyük bir cinayət...”
Bu sözlərdən sonra gözləri dolan və dəsmalla gözlərini silən nazir jurnalistlərdən çəkilişi dayandırmalarını istəyib və muzeyi tərk edib.