Səfər işgüzar xarakter daşıyır
Gürcüstanın xarici işlər naziri Qriqol Vaşadze oktyabrın 26-da Bakıya səfər edəcək. Bu barədə Gürcüstanın Azərbaycandakı səfirliyindən məlumat verilib.Səfər işgüzar xarakter daşıyır. Səfər zamanı Gürcüstan xarici siyasət idarəsi rəhbərlərinin azərbaycanlı həmkarı və digər rəsmilərlə görüşəcəyi gözlənilir. Məlumatı APA yayıb.
Görüşlərdə ikitərəfli və regional məsələlər ətrafında müzakirələrin aparılacağı xəbər verilir.