Kürdəxanı qəsəbəsində su təchizatı və kanalizasiya sistemi yenidən qurulacaq
Bu gün “Azərsu” Açıq Səhmdar Cəmiyyəti ilə Koreya Respublikasının Xarici İşlər və Ticarət Nazirliyi arasında “Abşeron yarımadasının su çatışmazlığı üzrə ümumi həll: Abşeron yarımadasının Kürdəxanı qəsəbəsində su təchizatı və kanalizasiya sisteminin yaradılması”na dair qrant sazişinin imzalanma mərasimi keçirilib. “Azərsu”nun mətbuat xidmətindən ANS PRESS-ə verilən məlumata görə, sənədi Azərbaycan hökuməti adından “Azərsu” ASC-nin sədri Qorxmaz Hüseynov, Koreya Respublikası adından isə səfir Li Ci Ha imzalayıb.
“Azərsu” ASC-nin sədri Qorxmaz Hüseynov bildirib ki, Bakı şəhərinin ətraf qəsəbələrinin inkişafının təmin edilməsi, əhalinin sosial-məişət şəraitinin yaxşılaşdırılması, mövcud problemlərin aradan qaldırılması məqsədi ilə Azərbaycan Respublikası prezidenti İlham Əliyevin 4 may 2011-ci il tarixli sərəncamı ilə “2011-2013-cü illərdə Bakı şəhərinin və onun qəsəbələrinin sosial-iqtisadi inkişafına dair Dövlət Proqramı” təsdiq edilib. Bu proqrama uyğun olaraq Abşeron yarmadasının Kürdəxanı qəsəbəsində su təchizatı və kanalizasiya sistemlərinin yenidənqurulması üçün Koreya Beynəlxalq Əməkdaşlıq Agentliyi (KOİCA) və “Azərsu” ASC ümumi həll layihəsi barədə razılığa gəliblər.
Layihənin maliyyələşdirilməsi üçün Koreya Hökuməti 26,18 milyon ABŞ dolları məbləğində qrant ayıracaq. Layihə üzrə qalan xərclər isə Azərbaycan hökuməti tərəfindən əlavə maliyyələşmə şəklində təmin olunacaq. Kürdəxanıda su və kanalizasiya sistemlərinin yenidənqurulması layihəsi 2011-2013-cü illərdə həyata keçiriləcək. Koreya tərəfinin ayırdığı qrant hesabına 2 ədəd su anbarı, nasos stansiyası, 24,8 km uzunluğunda müxtəlif diametrli su, 24,8 km uzunluğunda kanalizasiya xətti çəkiləcək. Eyni zamanda yerli mütəxəssislərin Cənubi Koreyada təlim proqramlarında iştirakı nəzərdə tutulur.
Koreya Respublikasının ölkəmizdəki səfiri Li Ci Ha Kürdəxanı qəsəbəsində su təchizatı və kanalizasiya sistemlərinin yeniqənqurulması ilə əhalinin sosial-məişət şəraitinin, Abşeron yarımadasında ekoloji vəzyyətin yaxşılaşcağını bildirib. Səfir bu sazişin ölkələrimiz arasında ikitərəfli əməkdaşlığın inkişaf etdirilməsi baxımından mühüm əhəmiyyətə malik olduğunu vurğulayıb.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
