Hadisədən cəmi bir gün keçdi
Binəqədi rayon Prokurorluğundan Lent.az-a verilən məlumata görə, A.Gəraybəyli küçəsi 37 A, mənzil 73-də 1956-cı il təvəllüdlü Sumqayeva Pirdas Həsənhüseyn qızının qətlə yetirilmiş meyiti tapılıb. İlkin müayinə zamanı qadının çoxsaylı bıçaq zərbəsi ilə öldürüldüyü və evin qarət edildiyi məlum olub.
Sonrakı araşdırmalar nəticəsində isə qadının qonşuluqda yaşayan Cavid Əhmədov və Səbuhi Kamalov tərəfindən öldürülməsi və evin də həmin şəxslər tərəfindən qarət olunması müəyyənləşib. Hər iki şəxs saxlanılaraq istintaqa təhvil verilib.
Faktla əlaqədar cinayət işi açılıb.