Hərraca 10 milyon manatlıq səhmlər çıxarılacaq
Bu ilin oktyabr ayının 12-də saat 11:00-dan 12:30-dək Bakı Fond Birjasında (BFB) Mərkəzi Bankın qısamüddətli notlarının yerləşdirilməsi üzrə hərrac keçiriləcək. BFB-dən ANS PRESS-ə verilən məlumata görə, notların dövlət qeydiyyat nömrəsi 50104030S, ümumi həcmi 15 milyon manat, hərraca çıxarılan həcm 10 milyon manat, bir notun nominal dəyəri 100 manat, notların tədavül müddəti 29 gün, ödəmə tarixi 10 noyabr 2011-ci ildir.
Hər bir bank tərəfindən təqdim edilən sifarişlərin ümümi sayı (rəqabətli və qeyri-rəqabətli) 3-dən artıq olmamalıdır. Hərrac zamanı, notların buraxılışının 20 faizdən artıq olmamaq şərti ilə qeyri-rəqabətli sifarişlərin qəbul edilməsinə icazə verilir.