“İBM” korporasiyası bazar kapitallaşdırması göstəricisinə görə “Microsoft”u ötərək, dünyanın ikinci ən bahalı İT şirkəti olub.
Bazar məlumatlarına əsasən, “İBM” korporasiyasının kapitallaşdırma göstəricisi bugünkü gün üçün 214 milyard dolları ötüb, lakin “Microsoft”un göstəricisi 213,2 milyard dollara qədər azalıb.
Analitiklər bildiriblər ki, “İBM” korporasiyası kapitallaşdırma göstəricisinə görə “Microsoft”u 1996-cı ildən bəri ilk dəfə keçib.
“Bloomberg” agentliyinin statistik məlumatlarına əsasən, “İBM” korporasiyası kapitallaşdırma həcminə görə dünyanın dördüncü şirkəti olub. Ondan irəlidə yalnız xammal şirkətləri, həmçinin “Apple” yerləşiblər.
“İBM” korporasiyasının baş direktoru Sem Palmizano hələ 2004-cü ildə fərdi kompyuter biznesinin satışı və şirkətin korporativ texnologiyalar və İT xidmətlərdə konsentrasiyası haqqında qərar qəbul edib.
“Microsoft” isə istehlakçılar üçün xidmət və onlayn reklam istiqamətində genişlənməyə başlayıb. Lakin, “Microsoft” korporasiyasının bugünkü gün üçün gəlirinin əsas hissəsi əvvəlki kimi “Windows” və “Office” satışlarından əldə olunur.
Cari ilin əvvəlindən “İBM” səhmləri 22% bahalaşıb, halbuki “Microsoft” səhmləri isə 8,8% ucuzlaşıb.
“Apple” şirkətinə gəlincə, bu şirkət hələ keçən il “Microsoft”u kapitallaşdırma göstəricisinə görə ötüb. Hal-hazırda “Apple” şirkətinin bazar qiyməti 362,1 milyard dollar təşkil edir.
“Şuşaya qayıdış” devizi altında ümumrespublika seminarı keçirilib
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər
.jpg)
