Onlar elektrik borclarını ödəməlidilər
Bu gün Bakının Naradaran qəsəbəsinin sakinləri etiraz aksiyası keçiriblər. Onlar qəsəbəyə gedən yolu bağlayıblar. Məsələylə bağlı Simsar.az saytı bu bölgənin millət vəkili Eldar Quliyevlə əlaqə saxlayıb. Deputat hadisədən xəbəri olduğunu deyib.
“Mən bu hadisədən xəbər tutan kimi həmin kəndin ağsaqqalları Hacı Hacıağa və Hacı Eldarla görüşdüm. Məsələnin səbəbini bəzən başqa şəkildə izah etməyə çalışırlar. Bu gün kənddə elektrik enerjisi verilir. Amma bəziləri söyləyirlər ki, elektrik enerjisi yoxdur. Sadəcə, burada əsas məsələ ödəmələrlə bağlıdır. Məsələ ondadır ki, bu gün kənd sakinləri istehsal etdikləri enerjinin pulunun heç 30 faizini vermirlər. Mən elə kəndin ağsaqallarının yanında “Bakıelektrikşəbəkə”nin rəhbəri Baba Rzayevlə əlaqə saxladım. O qeyd etdi ki, kənd əhalisi istehlak etdikləri elektrik enerjisinin heç olmasa 30 faizinin pulunu ödəsinlər. Sonra bu məsələlər həll olunsun. Kənddə elektrik enerjisinin təminatı ilə bağlı problem yoxdur, sadəcə ödəmələr məsələsində problem olduğu üçün elektrik enerjisinin verilməsində fasilələr yaranıb”.
Deputat onu da qeyd edib ki, belə fikir formalaşmasın ki, bu köhnə borclarla bağlıdır: “İndi yığılıb qalan borc 2011-ci ildə vətəndaşların istehlak etdikləri elektrik enerjisi ilə bağlı borclardır”.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
