Bu ölkədə seçki keçiriləndə belə olur
Qırğızıstanda keçirilən prezident seçkiləri ilə bağlı təbliğat kampaniyası zamanı Rusiyanın birinci kanalının bütün proqramları seçkiqabağı senzuraya görə bir saat gecikməylə ekranlara çıxacaq.
Simsar.az “İntefaks” istinadən verdiyi məlumata görə, xəbəri Rusiyanın Qırğızıstandakı səfirliyi yayıb.
Qırğızıstanda prezident seçkiləri oktyabrın 30-da keçiriləcək və prezident Bakiyevin devirilməsindən sonra hakimiyyətin legitimləşdirilməsinin növbəti mərhələsi olacaq. Hal-hazırda Roza Otunbaeva ölkənin keçid hakimiyyətinə başçılıq edir. Onun səlahiyyətləri dekabrın 31-də başa çatır. Qırğızıstanda keçirləcək prezident seçkilərinin təşviqat kampaniyası sentyabrın 25-də başlayıb.
“Prezidentin seçkiləri haqqında” qanunun tələbinə görə, Qırğızıstan ərazisində xarici KİV-də seçkiqabağı təşviqatın aparılması qadağan edilir. Bu ölkədə seçki kampaniyası zamanı xarici kanalların bütün xəbərlər proqramlarının canlı olaraq nümayişinə icazə verilmir.