Əbülfəz Qarayev "ona xalq artisti düşmür" deyənlərə cavab verdi
Mədəniyyət və turizm naziri Əbülfəs Qarayev estrada müğənnisi Səməd Səmədovun xalq artisti adına layiq görülməsi ilə bağlı bəzi sənətçilər arasında yaranan narazılığa münasibət bildirib.
“Mən bu çıxışlara şərh vermək niyyətində deyiləm. Birincisi, cənab prezidentin sərəncamı var, heç kim bunu şübhə altına almamalıdır. Qərar verilib və bu, düzgün qərardır. Mən Səməd Səmədovu təbrik edirəm və ona yeni yaradıcılıq uğurları arzu edirəm”. Bunu Əbülfəs Qarayev Lent.az-ın müvafiq məsələ ilə bağlı sualını cavablandırarkən deyib.
Nazirin fikrincə, hər bir yaradıcı insan həmkarının yaradıcılığı barədə müxtəlif fikirdə ola bilər: “Kimsə kiminsə oxumağını, oynamağını, piano ifa etməsini bəyənmir. Kimsə deyə bilər ki, mən ondan yaxşıyam. Bu, yaradıcılıqdır. Hər yaradıcı şəxsin öz yolu, öz üslubu və düşüncəsi mövcuddur. Onların hamısının yaşamağa və dəyərləndirilməyə haqqı var. Azərbaycanın hər bir yaradıcı şəxsiyyəti bizim üçün əzizdir. Cənab prezidentin qəbul etdiyi qərarlar hər kəsin yaradıcılığına verilən bir qiymətidir. Kiməsə əməkdar artist, kiməsə xalq artisti, kiməsə təqaüd verilir. Bütün bu qərarlara hörmətlə yanaşmaq lazımdır. Çünki hər bir insan öz yaradıcılığının bəhrəsini görür”.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
