"Sahə" təltif edildi
Avqustun 27-dən sentyabrın 4-dək Moskvada, “Krasnaya Presnya”dakı Kino Mərkəzdə XV Milli Kinematoqrafiyalar Forumu keçirilib.
Tədbir Rusiya Federasiyası Dövlət Film Fondunun və MDB Ölkələrinin Dövlətlərarası Humanitar Əməkdaşlıq Fondunun dəstəyi ilə Kinematoqrafçılar İttifaqlarının Konfederasiyası tərəfindən “Moskva Premyerası” festivalı çərçivəsində baş tutub. Forumda Azərbaycanı təmsil edən “Sahə” bədii filminin rejissoru İlqar Safat Moskva Hökumətinin Diplomu ilə təltif edilib.
“Nərimanfilm” şirkətinin mətbuat xidmətindən Lent.az-a verilən məlumata görə,
mövcud olduğu 15 il ərzində Forum bir çox istedadların aşkar edilməsinə səbəb olub. MDB, Latviya, Litva və Estoniya ölkələrini əhatə edərək Forum dünya kinosevərlərinə həmin ölkələrin kinematoqrafiyasında baş verən yeniliklərdən xəbər tutmağa imkan yaradıb.
“Sahə” bədii filmi (The Precinct) məşhur fotoqrafın öz uşaqlıq dövrünə olan mistik səyahətindən danışır. Film “Narimanfilm” (Azərbaycan), “Georgianfilm” və “Bagira Films” (Gürcüstan) studiyalarının müştərək istehsalıdır. Filmdə baş rolları Zaza Bejaşvili (Gürcüstan), Melissa Papel (Fransa), Vaqif İbrahimoğlu (Azərbaycan) və Timur Oduşev (Azərbaycan) ifa ediblər. Ssenari müəllifi və quruluşçu rejissor İlqar Safatdır.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
