Rusiyanın “Antialkoqol cəbhəsi” ictimai təşkilatı sərxoş sürücülərin avtomobili idarəetmə hüququndan ömürlük məhrum edilməsini təklif edib.
Lent.az-ın xəbərinə görə, təşkilat sərxoş vəziyyətdə ölümlə nəticələn qəza törətmiş sürücülərin ilk dəfədən sürücülükdən ömürlük məhrum edilməsinin tərəfdarıdır. Halbuki Rusiya qanunvericiliyində belə bir cəza yalnız residivistlər üçün – 2 dəfədən çox sərxoş vəziyyətdə saxlanan şəxslər – nəzərdə tutulub. Lakin bu cəza nadir hallarda tətbiq edilir.
Rus mətbuatının yazdığına görə, sözügedən təklif yuxarı dairələrin dəstəyini qazanıb. Lakin təklifin qanun halına gəlməsi uzun vaxt çəkəcək.