“Taliban” Hərəkatının 100-ə qədər silahlı üzvü Əfqanıstan-Pakistan sərhədini keçərək Qodibar kəndinə hücum edib.
Silahlılar öncə ağır silahlardan və minaatanlardan istifadə edərək Qodibar kəndi ətrafındakı 3 nəzarət-keçid məntəqəsini ələ keçiriblər.
Daha sonra kəndə hücum olub. 30 nəfər həyatını itirib. “Taliban” silahlılarından isə 9-u öldürülüb. Hazırda kənd silahlıların nəzarəti altındadır və döyüşlər davam edir.