Onunla birgə Muro və Bulud da olacaq
"Kurdlar Vadisi"nin İsgəndər Büyük Azərbaycana gələcək. ANS PRESS-in Türkiyə mətbuatına istinadən verdiyi məlumata görə, Azərbaycan və Türkiyə kinematoqrafçıları avqustun 27-dən yeni serialın çəkilişlərinə başlayır. Bir çox məşhur Azərbaycan və Türkiyə aktyorunun rol alacağı serial “Qaranlıqlar çiçəyi” adlanır.
Serialın əsas mövzusu eşq və intiqamdır. Uşaqkən atasının xaincəsinə öldürülməsinə şahidlik edən Lalə adlı qızcığaz böyüyəndə hüquqşünas sənətinə yiyələnib intiqam almaq fikrindədir. Lakin zaman öz işini görür və Lalə atasının qatili sandığı adama getdikcə aşiq olmağa başlayır. Daha sonra isə bəlli olur ki, qatil heç də onun sandığı adam deyilmiş. Həm Lalə, həm də qatil hesab edilən Samir böyük bir oyunun içində olduqlarını fərq etmirlər. Melodrama janrında çəkiləcək serial 39 hissədən ibarət olmaqla bu il sentyabrın 25-dən (və ya oktyabrın 5-dən) başlayaraq, İTV-nin axşam proqramlarında yayımlanacaq.
Filmin rejissoru Türkiyənin Kanal D televiziyasında yayımlanan “Aşk Yakar” serialının da rejissoru olan Mehmet Ulukan, operatoru isə “Kurtlar Vadisi”nin operatoru Bülent Özekdir.
Onu da qeyd edək ki, filmdə Azərbaycan tərəfdən Rasim Balayev, Səfurə Əlizadə, Günəş Mehdi, Nəsimi Mirzə, Abbas Qəhrəman, Zaur Şəfi, Arifə İslam və Vüqar Əlinin rol alması planlaşdırılır. Türkiyə tərəfdən isə “Kurtlar Vadisi Pusu”nun məşhur Büyük İsgəndər rolunun ifaçısı Mustafa Uzunlarla birlikdə Osman Albayrak, Mustafa Üstündağ (“Kurtlar Vadisi Pusu”da Muro), Bülent Şakrak, Begüm Kütük, Hüseyn Avni Danyal (“Kurtlar Vadisi Pusu”da Bulut), Ebru Özkan, Güler Ökten kimi tanınmış aktyorlar yer alacaq.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
