51 nəfər diri-diri yanıb
Simsar.az-ın “lifenews.ru” saytına istinadən verdiyi məlumata görə, faciə Meksikanın şimalındakı Monterrey şəhərindəki Royal kazinosunda baş verib.
Məlumata görə, kazinoya 20-yə qədər silahlı cinayətkar daxil olub. Onlar kazinoya yandırıcı maddə tökərək, od vurublar. Nəticədə, bir neçə dəqiqə ərzində insanlar və kazino külə dönüb.
Cinayətkarların binanı tərk etmək əmrinə baxmayaraq, içəridəki insanlar özlərini itirərək müxtəlif istiqamətlərə qaçıblar və alovun tələsinə düşüblər. Onların çoxu binadan yol tapa bilməyərək içəridə qalıb.
Hüquq mühafizə orqanların bildirirlər ki, ölənlərin sayı hələ də tam dəqiqləşməyib. Yaralıların çoxunun vəziyyət son dərəcə ağır olaraq dəyərləndirilir.
Meksika prezidenti Filipe Kalderon bildirib ki, bu son dərəcə qəddar və iyrənc terror aktıdır. O, faciə baş verən Nuevo-Leon ştatının əhalisinə başsağlığı verib.
Məlumata görə, Royal kazinosu son zamanlar cinayətkarların sevimli hücum obyektinə çevrilib. Çünki kazino rəhbərliyi insan və narkotik alverçilərinə pul verməkdən imtina edirmiş.
Bir neçə il əvvəl Monterrey şəhəri nəinki Meksikanın, eləcə də bütün Latın Amerikasının ən təhlükəsiz şəhərlərindən biri olub. Amma 2010-cu ildə şəhərdə iki narkokartelin qarşıdurması başlayıb və vəziyyət kökündən dəyişib.
Bu ilin əvvəlindən Monterrey şəhərinin paytaxtı olduğu Nuevo-Leon ştatından mindən çox adam öldürülüb. İyulun əvvəlində şəhərdə bara hücum zamanı 21 nəfər qətlə yetirilib.
Filip Kalderonun 2006-cı ildə narkocinayətə qarşı müharibə elan etməsindən bu yana Meksikada 37 min adam qətlə yetirilib.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
