Rusiya, Çin və Braziliya "yağlı tikə"dən niyə uzaq düşdü
Liviya varlı neft ölkəsidir. Ancaq nə qədər varlıdır?
Neftin indiki qiyməti ilə Liviyada 4 trilyon dollarlıq neft var.
Liviyanın neftdən illik gəliri əhali arasında bərabər bölünsə, hər adama ildə 8 min dollar pul düşər.
Kim ki, üsyançıları dəstəkləyirdi, o ölkələrin şirkətləri bu neft xəzinəsindən mükafatlandırıla bilər.
Kim ki, dəstəkləməyib, onlar əksinə, qıraqda qala bilər.
ÜSYANÇILARDAN MESAJ
Liviya üsyançılarının əlində olan Liviyanın AGOCO neft şirkətinin meneceri Abdelcəlil Mayouf Reutersə deyib ki, “İtaliya, Fransa, Britaniya şirkətləri ilə heç bir problem olmayacaq. Ancaq bizim Rusiya, Çin, Braziliya ilə bir sıra siyasi problemlərimiz var”.
Reuters yazır ki, Mayoufun dedikləri Liviya neftinin necə bölünəcəyində ilk siqnaldır. Liviya üsyançılarını müdafiə etməyən və ya Qaddafiyə qarşı sərt sanksiyalara səs verməyən Rusiya, Çin, Braziliya kimi ölkələrin neft şirkətləri yeni bölgüdə paysız qala bilərlər.
Qaddafi rejimi yıxılmamış Liviya neftinin bölgüsü başlanıb. Bu işdə İtaliyanın ENİ şirkəti öndə gedir.
Bir misal. Avqustun 22-də üsyançılar Tripolini, Qaddafinin oğullarını tutduqlarını elan edəndə, ENİ şirkətinin səhmləri birjalarda 7 faiz artdı.
Qaddafi devrilsə, Afrikanın ən böyük neft yataqlarının qapısı yeni oyunçulara açıla bilər. Belə yeni oyunçulardan biri Qətərin Milli Neft Şirkətidir.
Liviya indiki müharibədən qabaq dünyanın neft istehsalının 2 faizini verirdi. Bu isə gündə 1 milyon 600 min barrel neft deməkdir.
Liviyanın neft ehtiyatları bu gündəlik istehsalı 80 il saxlamağa imkan verir.
Ancaq Liviyanın neft rəsmisi Mayouf bir siqnal da verib. O deyib ki, neft istehsalını bərpa etməkdə Liviya xarici neft şirkətləri olmadan da keçinə bilər.
“Şuşaya qayıdış” devizi altında ümumrespublika seminarı keçirilib
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər
.jpg)
