Buna etiraz edən vətəndaşlar Sarkisyanın iqamətgahının qarşısında aksiya keçiriblər
Ermənistan prezidenti Serj Sarkisyanln iqamətgahının qarşısında npvbəti dəfə etiraz aksiyası keçirilib. ANS PRESS "Armenia Today" saytına istinadən xəbər verir ki, bu dəfə etiraz edənlər İrəvan küçələrində yeraltı piyada keçidlərində ticarətlə məşğul olan vətəndaşlar olub. Onlara çatan məlumatlara görə İrəvan meriyası yeraltı keçidi hərracda satmağı planlaşdırır.
Kiçik biznesmenlər iddia ediblər ki, belə olacaq tədbirdə onlar işlərindən olacaqlar. Qeyd edək ki, həmin keçidlərdə 43 ticarət obyekti fəaliyyət göstərəcək. Ticarətçilər bildiriblər ki, ötən il yeraltı keçid onların hesabına təmir edilib.
Aksiyaçılar bildiriblər ki, əldə etdikləri məlumata görə, yeraltı piyada keçidini erməni oliqarx Mixail Baqdasarov artıq alıb.
Ermənistan prezidentinin nəzarət xidmətinin rəhbəri yeraltı keçidin tezliklə hərraca çıxarılacağını təsdiqləyib və ticarətçilərə toplaşaraq tenderdə birlikdə iştirak etməyi məsləhət bilib.