Hərbi əməliyyatlar terror təşkilatı bitənə qədər davam etdiriləcək
Türkiyədə 9 əsgər və 1 mühafizəçinin şəhid olmasının ardından İraqın Qəndil vilayətini bombalayan Hava Qüvvələri Qoşunları F-16 döyüş təyyarələri ilə Şimali İraqdakı PKK hədəflərini darmadağın edib. Baş qərargah hərbi hava əməliyyatlarında 60 hədəfin, top atışında isə 168 hədəfin vurulduğunu açıqlayıb.
Simsar.az Türkiyə mətbuatına istinadən bildirir ki, baş qərargah rəhbərliyi açıqlamada terror təşkilatına aid Qəndil Dağı, Hakurk, Avaşin-Basyan, Zap və Metina bölgələrindəki 60 hədəfə hava qüvvələri təyyarələri tərəfindən uğurlu bir hücum hərəkatı icra edildiyini bildirib.
“Vəzifələrini müvəffəqiyyətlə tamamlayan uçaqlarımız təhlükəsizlik şəraitində geri dönüblər.
İcra edilən əməliyyatda hər vaxt olduğu kimi yalnız bölücü terror təşkilatı hədəf alınmış, dinc insanlara qarşı lazımi həssaslıq göstərilib”.
Türk Silahlı Qüvvətləri terror təşkilatını təsirsiz hala getirilənə qədər İraqın şimalında əməliyyatların davam etdiriləcəyini bildirib.
RAMİL