Breyvik onu fermada gizlədib
Norveçin paytaxtı Osloda və şəhərin yaxınlığındakı Utoya adasında 77 adamı qətlə yetirən Anders Berinq Breyvikin hazırladığı daha bir gübrə bombası tapılıb.
Türkiyə mediasının yaydığı xəbərə görə, müdhiş tapıntı Oslodan 140 kilometr aralıda yerləşən bir fermada aşkar olunub. Breyvik bu yeri qırğın törətməzdən bir neçə həftə əvvəl kirayəyə götürübmiş.
Xəbərdə bildirilir ki, bombanın ağırlığı 1 - 1,5 ton olub. Bu, Breyvik tərəfindən iyulun 22-də Osloda nazirliklərin yerləşdiyi küçədə partladılan və 8 adamın ölümünə səbəb olan bombadan ağırdır. Həmin bomba 950 kiloqram olub.
Bu tapıntıdan sonra aydın olur ki, norveçli psixopatın daha çox adam öldürmək planları varmış.