Dünən UEFA Çempionlar Liqasında "play-off" mərhələsinin oyunları keçirilib.
20 komanda qruplara düşə bilmək üçün mübarizə aparaıb.
Birinci oyun gününün ən maraqlı görüşlərindən biri Hollandiyada baş tutub. Yerli "Tvente" üçüncü təsnifat mərhələsində "Trabzonspor"u mübarizədən kənarlaşdıran Portuqaliyanın "Benfika" klubunu qəbul edib.
Lakin hollandlar öz meydanlarında "Benfika" ilə bacarmayıblar. Meydan sahibləri görüşdə erkən qola sevinsələr də, fasiləyə məğlub yollanıblar. Lakin ikinci hissədə daha bir dəfə fərqlənən "Tvente" futbolçuları məğlubiyyətdən yaxa qurtarıblar - 2:2.
Digər maraqlı qarşılaşma isə İngiltərədə keçirilib. Londonun "Arsenal" klubu İtaliya təmsilçisi "Udineze" ilə münasibətlərinə aydınlıq gətirib. Lakin bu oyunun taleyini bir qol həll edib. Matçın 4-cü dəqiqəsində fərqlənən Teo Uolkotun qolu oyunda yeganə olub - 1:0.
Rusiya "Rubin"i isə daha çətin sınaq qarşısında idi. ÇL-in III təsnifat mərhələsində Kiyev "Dinamo"sunu mübarizədən kənarlaşdıran "Rubin" bu dəfə Fransa "Lion"u ilə qarşılaşıb. Erkən qolla hesabda önə keçən Kazan təmsilçisi bu uğurun davamını gətirə biməyib və görüşdən 1:3 hesablı məğlubiyyətlə ayırılıb.
İkinci oyun günündə də maraqlı görüşlər keçiriləcək. Sözsüz ki, ən diqqətçəkən oyunlardan biri Zaqreb "Dinamo"su ilə "Malmö" arasında baş tutacaq.
Xatırladaq ki, Xorvatiya təmsilçisi ÇL-in ikinci təsnifat mərhələsində "Neftçi"ni turnirdən kənarlaşdırmışdı.
16 avqust
Çempionlar Liqasının "play-off" mərhələsinin ilk oyunları
23:45. "Kopenhagen" (Danimarka) – "Viktoriya" (Çexiya) - 1:3
Qollar: Kolar, 52 (0:1), Pilar, 59 (0:2), Öttesen, 69 (1:2), Fillo, 79 (1:3)
23:45. BATE (Belarus) – "Şturm" (Avstriya) - 1:1
Qollar: Veber, 12 (0:1), Simiç, 59 (1:1)
23:45. "Tvente" (Hollandiya) – "Benfika" (Portuqaliya) - 2:2
Qollar: Luuk de Yonq, 6 (1:0), Oskar Kardozo, 21 (1:1), Nolito, 35 (1:2), Ruiz, 80 (2:2)
23:45. "Arsenal" (İngiltərə) – "Udineze" (İtaliya) - 1:0
Qol: Toe Uolkot, 4 (1:0)
23:45. "Lion" (Fransa) – "Rubin" (Rusiya) - 3:1
Qollar: Vladimir Dyadyun, 3 (0:1), Qomis, 10 (1:1), 40 (2:1), Briand, 71 (3:1)
Qeyd edək ki, ÇL-in pley-off mərhələsinin cavab oyunları avqustun 23-24-də keçiriləcək.
WRO Dünya Robot Olimpiadasının qalibləri
Səccad Həsənli məktəbli oldu
Tanınmış jurnalistə vəzifə verildi
Cəbrayıl Dövlətzadənin doğum günüdür
.jpg)
