İran məmnun qalıb
İranın nüvə fəaliyyətinə dair məsələ ilə bağlı 5+1 dövlətlərinin müzakirə masasına qayıtmaları məqsədi daşıyan təklif paketi Rusiya tərəfindən Tehran hökümətinə təqdim olunub.
Simsar.az-ın Türkiyə mətbuatına istinadən verdiyi xəbərə görə, Tehranda rəsmi görüşlər keçirən Rusiya Təhlükəsizlik Şurasının katibi Nikolay Patruşevin təqdim etdiyi təklifin detalları açıqlanmayıb. Təklifi məmnuniyyətlə qarşılayan İran tərəfi onun tətbiqinin uyğun olduğunu açıqlayıb.
Görüşlərlə bağlı xəbər verən İranın nüvə proqramı üzrə müzakirəçisi Səid Cəlili Rusiyanın təklifinin müzakirələrin başlanması üçün əsas olacağını deyib. O, birgə fəaliyyət üçün dialoqun doğru strategiya olduğunu söyləyib.