Selin gətirdiyi daş və çınqıl suyun qarşısını kəsib
Şimal bölgəsində bir neçə gün yagan yagışlar Qurcana çayının suyundan istifadə edən 800 nəfər Şəki sakinini susuz qoyub.
Qeyd edək ki, Sovet dövründə çəkilən Qurcana su kəməri uzun illər idi ki yararsız vəziyyətdə olub. Keçən il isə yaponlar bu problemin həlli üçün vəsait ayırıb. Belə ki, 2010-cu ildə Yaponiya səfirliyi Qurcana su xətdinin təmiri üçün 95 min ABŞ dolları xərcləyib.
Su xəttini təhvil alacaq idarənin - Şəki “Sukanal Törəmə” ASC-nin direktoru Bayram Məmmədov isə Qurcana su xəttini təhvil almadıqlarını bildirir. Cəmiyyətin direktoru, buna baxmayaraq sakinlərin şikayətini nəzərə alaraq problemlə maraqlandıqlarını, sel nəticəsində çay bəndinin qarşısında daş-çınqıl aşkarladıqlarını, bunun kəmərə su ötürülməsinə mane olduğunu qeyd edib.