Türkiyənin İqdır vilayətinin Yaycı kəndində 10 gün əvvəl itən 13 yaşlı azərbaycanlı Nigar Beydullayeva tapılıb.
Simsar.az-ın Türkiyə mətbuatına istinadən xəbərinə görə, o, eyni kənddə yaşayan 16 yaşlı Özgür Bulut Akkoçun evindən tapılıb. Anası və ögey atası ilə birgə yaşayan Nigar avqustun 1-də itib. Məlumata görə, Nigar Beydullayevanı həmkəndlisi Özgür Bulut Akkoç qaçırıb. Özgür 10 gün Nigarı zorla evində saxlayıb.
Nigar polislər tərəfindən ailəsinə təhvil verilib. Onu qaçıran 16 yaşlı gənc isə həbsxanaya göndərilib.