Naxçıvanlı reket qətldə günahlandırılır
Bakıda iş adamının qətlinin təfərrüatları məlum oldu. Qətli törətməkdə şübhəli bilinən Vaqif Cəfərov istintaqa verdiyi ifadəsində bildirib ki, Qəhrəman Cəlilovu obyekt kirayəsilə bağlı düşən mübahisə üstündə öldürüb: "Qəhrəmandan obyekt kirayə götürəsiydim. Obyektin qiymətini ayı 250 manata razılaşdıq. O, kirayə haqqınının 2 ayını əvvəldən ödəməyimi istədi. Mən də hadisə baş verən gün 500 manat gətirib Qəhrəmana verəndə, o, dedi ki, ayı 300 manata verirəm. Bunun üstündə mübahisəmiz oldu, mən də onu vurdum."
Qeyd edək ki hadisə avqustun 8-i "Gənclik" stansiyasının yaxınlğında, F.X.Xoyski 81 ünvanında yerləşən ev alqı-satqı ofisində baş vermişdi. Paytaxt sakini 66 yaşlı Qəhrəman Cəlilov işlədiyi ofisdə naməlum şəxslər tərəfindən bıçaqlanmış, ağır bıçaq xəsarətləri ilə 1 saylı şəhər xəstəxanasına yerləşdirilən yaralı elə oraca dünyasını dəyişmişdi.