Funikulyorun stansiyaları tamamilə şüşədən yığılacaq və piramida formasında olacaq
Bakı Funikulyorunda əsaslı təmir və yenidənqurma işlərinə start verilib. Bu məqsədlə funikulyorun ətrafı hasara alınıb. Belə ki, Funikulyorun rəisi Tofiq İsmayılov təmir və yenidənqurma işlərinin xarici şirkət tərəfindən aparıldığını deyib. Üstəlik də əlavə edib ki, daha ətraflı məlumatı Bakı şəhər İcra Hakimiyyətinin Mənzil-kommunal təsərrüfatı idarəsindən almaq olar.
Lakin təmir işləri ilə məşğul olan fəhlələrdən onu öyrənmək mümkün olub ki, Bakı Funikulyoru bu dəfə tamamilə dəyişdiriləcək, vaqonlardan tutmuş relslərə qədər. Onlara inansaq, gələn il mayın sonlarında, yəni “Eurovision 2012”dək funikulyorun açılışı olacaq.
Yeni layihəyə əsasən funikulyorun stansiyaları tamamilə şüşədən yığılacaq və piramida formasında olacaq. Bir növ “İçərişəhər” metrostansiyasını xatırladacaq.
Xatırladaq ki, Bakı Funikulyoru 1960-çı ildə mayın 5-də istifadəyə verilib. Bəhram gurun heykəli ilə Şəhidlər Xiyabanı arasında lift rolunu icra edən funikulyor 4 dəqiqə ərzində 1 stansiyadan digərinə çatmaq üçün 455 metr yol qət edir. Vaqonlararası interval 10 dəqiqə, gediş haqqı isə 20 qəpikdir.
ANS
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
