Türkiyədə PKK terror təşkilatının üzvləri bir əsgər və bələdiyyə sədrliyinə namizəd olan şəxs qaçırıb.
Diyarbəkir yaxınlığında Muş yolunun 35-ci kilometrliyində terrorçular sərnişin avtobusunun qarşısını kəsib. Avtobusdakı şəxsləri düşürüb onların sənədlərini alan terrorçular iki nəfəri seçərək kənara çıxarıb. Bunlar Diyarbəkirin bələdiyyə sədrliyinə namizəd Kənan Ərənoğlu və ailəsini ziyarətə gedən 21 yaşlı əsgər Aykut Çelik olub.
Avtobusdakı digər sərnişinlərin yalvarmasına baxmayaraq, terrorçular hər iki şəxsi götürərək dağlara çəkiliblər.