UEFA "Fənərbağça" klubunun 18-ci dəfə Türkiyə çempionu olmasını təsdiqləyib.
UEFA-nın rəsmi internet saytı "Fənərbağça"nı Türkiyə Superliqasının son qalibi elan edib. Türkiyədə iyulun 3-də danışılmış oyunlarla bağlı istintaqın başlamasından bəri çempionluğu şübhə altına alınan "Fənərbağça" azarkeşlərinə UEFA-dan şad xəbər gəlib. Çoxları "Fənərbağça"nın çempionluğunun əlindən alınaraq aşağı diviziona göndəriləcəyini gözlədiyi halda, UEFA "Fənərbağça"nı son Türkiyə çempionu kimi təqdim edib.
Qeyd edək ki, UEFA-nın bu addımı atmasında Türkiyə Futbol Federasiyasının prezidenti Mehmet Ali Aydınların bazar ertəsi açıqladığı son qərarında heç bir klubun aşağı divizona göndərilməyəcəyi haqda dediyi fikirlər böyük rol oynayıb.