Futbola yeni qaydalar gəlir – “The Athletic”

Beynəlxalq Futbol Assosiasiyaları Şurası (IFAB) (futbol qanunlarını idarə edən və tənzimləyən təşkilat) gələn həftə vaxt itkisinə qarşı mübarizə üçün əlavə tədbirləri müzakirə edəcək. Simsar.az xəbər verir ki, bu barədə "The Athletic" qəzeti məlumat yayıb. Nəşrin məlumatına görə, süni şəkildə gecikdirilən oyunlarla mübarizə aparmaq üçün müzakirə olunan tədbirlərə topun meydandan çıxdığı və ya qapıdan zərbə vurulduğu təqdirdə topu oyuna daxil etmək üçün geri sayımın tətbiqi daxildir. Futbol qanunvericilərinin əvəzetmələrə vaxt məhdudiyyəti qoymağı da nəzərdən keçirəcəkləri bildirilir. Qeyd edək ki, bundan əvvəl itirilən oyun vaxtını azaltmaq üçün qapıçı topu səkkiz saniyədən çox əlində saxladığı təqdirdə künc zərbəsi təyin edilməsi barədə qayda tətbiq olunmuşdu.