Azərbaycan BƏƏ şirkəti ilə birgə hərbi avtomobil istehsal edəcək

Azərbaycan Müdafiə Sənayesi Nazirliyi (MSN) ilə Birləşmiş Ərəb Əmirliklərinin (BƏƏ) «Əl Asbar Auto İndustries» şirkəti arasında niyyət protokolu imzalanıb.

imzalanma BƏƏ-nin paytaxtı Abu-Dabi şəhərində keçirilən İDEX-2011 sərgisində baş tutub.

Protokola əsasən «Əl Asbar» şirkətinin istehsal etdiyi xüsusi təyinatlı avtomobillərdən biri Azərbaycana gətirilərək yerli şəraitdə uyğun testlərdən keçiriləcək.

Müdafiə sənayesi naziri Yavər Camalov APA-ya açıqlamasında bildirib ki, testlər həmin şirkətin nümayəndəsinin iştirakı ilə reallaşdırılacaq. Müsbət nəticə verəcəyi halda həmin avtomobillərin üzəri silahlandırılmış versiyasının Bakıda müştərək istehsalı planlaşdırılır.