İngiltərə yenə darmadağın etdi

İtaliya "cırtdanlar"a divan tutdu

21 yaşadək futbolçulardan ibarət milli komandalar arasında AVRO-2013-ün seçmə mərhələsi çərçivəsində növbəti oyunlar keçirilib. Fanat.az xəbər verir ki, millimizin yer aldığı 8-ci qrupda iki oyun baş tutub.
Azərbaycan U-21-nin evdə Norveç 0:2 hesabı ilə uduzduğu gecədə İngiltərə İslandiyanın qonağı olub. Millmizi darmadağın edən ingilislər islandlara da gücünü göstərib - 3:0. İngiltərənin bütün qollarına Okslade-Çamberlain imza atıb.
Almaniya eyni hesabla Bosniya və Hersoqovinanı yenib. İspaniya səfərdə Xorvatiyanı iki cavabsız qolla məğlub edib. Hollandiya səfər oyununda Avstriyaya çətinliklə qalib gəlib. Gecənin ən böyük hesabı Lixtenşteyn - İtaliya oyununda qeydə alınıb. 9 qolun vurulduğu oyunda İtaliya rəqibini 7:2 hesabı ilə məğlub edib.